Esperanto Lyon

Ĝisdatigo : Karaj geamikoj,

Bedaŭrinde, pro malstabila vetero kun hazarda risko pri pluvo, nia pikniko de la 1-a de junio estas nuligita. Ni ne volas riski kaj preferas ĝui la tagon sub pli bona ĉielo.
Nova dato estas fiksita je la 22-a de junio, sama horo kaj sama loko.

Ni antaŭĝojas renkonti vin tiam! Dankon pro via kompreno.

Amike,
La teamo de Espéranto Lyon

Post longa tempo sen eksteraj kunvenoj, Espéranto Lyon invitas vin ĝui agrablan tagon sub la ĉielo de Parc de la Tête d’or, kune kun aliaj parolantoj de nia kara lingvo. Estas la perfekta okazo por renkontiĝi, babili trankvile, ludi kaj simple ĝui la someron en bona kompanio.

📅 Kiam? Dimanĉe, la 1-an de junio, aŭ, se la vetero ne kunlaboros, la 22-an de junio.
🕦 Ni renkontiĝos ekde la 11:45.
📍 Kie? Sur la granda gazono en la suda parto de la parko.

La definitiva dato estos konfirmita la tagon antaŭe en nia retejo !

Ni invitas vin kunporti simplajn ludojn, kiel Mölkky, ŝakoj aŭ pilkoj — io por ĝojigi la etoson kaj krei kunajn memorojn.

Ĉiu alportu propran manĝaĵon, akvon, manĝilaron kaj tukon por sidi komforte sur la herbo. Ni petas, ke vi ne alportu aŭ trinku alkoholaĵojn dum la pikniko, por konservi amikan kaj trankvilan etoson por ĉiuj.

Ĉi tiu evento estas malferma al ĉiuj esperantistoj de la regiono — do ne hezitu inviti viajn amikojn, kursanojn aŭ konatulojn kiuj ŝatus sperti vivan, ĝojplenan Esperanto-renkontiĝon en natura medio.

Ni antaŭĝojas renkonti vin tie!